經紀利益衝突手記 – 睇姜濤居要收本票 By諗SIR

呢日樓市最大新聞有人話係姜濤用真名買入了維壹一個單位。由於維壹單位少，前排向海，唔排除引來娛記或興趣型睇樓者造訪，相信業主要向經紀加註要求睇樓者需攜有3%訂金本票，才令單位避免不必要損耗，或睇樓者為偷望下層而造成不必要事故，減少成兇的可能。

 

維壹所在屬北水南山，不少客戶講的九運格局。不過石塘咀向南望山始終有樓群遮擋，及不上堅尼地城背靠摩星嶺南望昂船州大橋咁有detail。而係新界，可北水南山的莫過於馬鞍山。眾多交易之中令我最有記憶的，反而是客人要求係馬鞍山搵向南望海樓，真係考起我的advisor。

 

維壹三房開波都1800萬，持有此等單位業主，應是月入到15萬開外高層打工仔，或者老闆本人。老闆賣樓有時唔太計較價錢，但要合眼緣。本星期我們成交了個中高層翔龍灣向海兩房單位，屋苑絕大部份單位都做緊700萬之上，最平都要680先執到，而我地六百廿幾萬就同powerteam用戶入手，主因是業主覺得我地既同事傾得埋，之後仲可以同佢處理其餘用BVI揸住既物業，故明知比估價賣平100萬，都照去。

 

呢個單位由於業主唔係個個人都想對咀，就當肯平賣都唔一定人人都比到你。係金錢掛帥既香港，想唔計較，想唔講錢，想唔同人講野每日電競，或者想無銷售式facial, 先決還是令自己富起來。新一年祝大家財源廣進。