租樓遇上新業主及散戶的選擇 筆名：80後の投資俠侶

最近樓市回落，市場上大部份準買家都會看淡樓市前景，因而決定轉買為租。 所以樓價下跌但租金卻企穩。部份區份不跌反升。例如有國內學生的地區租金是上升的。

以往租樓時最唔想見到就係業主加租，其次就係以賣樓為由，被迫破費搬屋。

有另一種情況較為小見，業主連租約賣。 即在租賃期間轉換業主。

最近筆者收到客人查詢，如何確定新業主身份？及租金能穩妥地交到新業主？

其實這部分主要由律師樓來負責。連租約買賣的單位，成交後約一星期，新買家律師樓會發信通知租客有關業權之變動，信中會提及如何繳交租金給新業主。

租客可在不用簽新租約的情況下，根據這封信的指示繳交租金給新業主。

如果租客想再保障d, 可經網上土地註冊處做物業查冊/或直接到管理處核實新業主名。

一般人認為律師樓的角色看似簡單地跟手續做事，所以傾向有平選平。不過在筆者處理過的超過80宗成交中發現佢地扮演的角色非常重要。 尤其是有好多伏位都由律師幫手拆解。 例如應付踢契黨，間格改動處理，漏水爭議，etc。所以選律師是要選可靠及有質素，千奇唔好為左1千幾百，而隨便選擇律師樓。

最近筆者觀察到市況有回穩跡像，自從聖誕後，大量筍盤被消化，市場上放盤減少，業主因通關看好後市而不願減價及反價。

根據過往觀察，要避免與市場上大多數參與者（俗稱老散）參與同一活動，才有機會成為市場上贏錢的一小部份人。現時市場上大部份參與者都選擇定期，買樓，租樓還是買股票？ 相信聰明的讀者已有答案。

2022年波動的一年即將完結，是時候制訂明年的投資策略。

在此預祝有緣見到於此文的讀者來年心想事成，成為跑贏市場的一小部份人。

筆名： 80後の投資俠侶

筆者簡介：

從小到大住勻港九新界。（包括青龍頭, 深井, 荃灣, 大圍, 石門, 九龍灣, 彩虹, 銅鑼灣, 西灣河）。由1000呎的私樓，500尺的居屋以至200呎的公屋也住過，所以不同區份同開則都有自己的睇法。

由2008年海潚開始睇樓,至今累積14年睇樓經驗, 2010年上車,買賣過兩次樓, 有多年以租養租經驗。