美股有很多優質大型企業，當中有大家熟悉的名字如Coca-Cola、McDonald、Microsoft、Amazon等，但是其實亦有不少香港投資者未聽過，但股價多年來長升長有的優質公司。好像Cintas(CTAS)自2018年至今，皆在「財富500名單」內，也是Nasdaq 100成份股，2023年12中市值達到570億美元，股價自1983年上市40年上升超過560倍，平均每年複式回報超過17%，最近仍在歷史高位。

Cintas主業是企業制服和工作服供應商，但非大家想像般負責銷售制服，從事的大部份是制服租賃業務，賣的是物流和洗熨衣服等服務，美國地大物博，一間用家公司當然可以選擇買斷制服並且自行清洗、儲存及管理，但當發現成本還比租用高，制服租賃便成為一門大生意。另外，Cintas亦透過橫向收購，開拓衛生用品、設備維護、家政服務、急救及消防培訓等業務。

Cintas現時三成客戶是產品供應商，七成是服務供應商，客戶來自最多的三個行業包括醫療護理、教育和政府部門，切合社會越加服務導向的趨勢。另外，有關制服安全的法例日益加強，和用家公司越加重視外判以提升效率，皆有利制服租賃行業的持續發展。為什麼說Cintas賣的其中一樣服務是物流，這個和網購公司視物流資產或物流夥伴是重要資產可謂同一個道理。在2023年5月，Cintas有12個分發中心、461個運營點及11,500條本地運輸路線，這個規模及佈局形成競爭優勢，當獲取更多新客戶時，相應增加的路線已經不需要同步增加，營運效率自然得到提升。

Cintas是美國制服租賃市場領導者，2023年中佔總市場份額39%，第二及第三大競爭對手是Aramark和Unifirst，市場份額分別為14%和12%，遠遠落後。留意Aramark和Unifirst皆是上市公司，2023年12月中市值分別為72億美元和34億美元，遠遠落後Cintas的570億美元。

Cintas的管理層曾經於2021年表達公司的資本配置做法，首先會投資於為本身業績增值的地方，接着會考慮收購，剩下的資金便會透過股息及股份回購以回饋股東。一間公司的資本配置能夠同時重視業務發展和股東利益，其實非常重要，投資者千萬不可忽視這個重點。2023年度，公司營運現金流入16億美元，資本開支3.3億美元，收購現金支出0.5億美元，得出自由現金流入12.2億美元。於這個年度，公司用3.1億美元還債，4.5億美元派股息，4億美元回購公司股票，總共用11.6億美元，和自由現金流入金額相約，做了一個理想的資本配置示範。

Cintas於2020年美國聯儲局無限量寬前幾年，每年市盈率最高可達28至30倍，可視為市場給予的估值水平。無限量寬後，估值水平被提升到37至39倍市盈率，不過公司估值水平未受到自2022年起多次加息影響，股價於2023年尾仍創歴史新高，市場似乎已經接受這個較高嘅估值水平。不過，對中長線投資者嚟講，投資時股價能否反映安全邊際的預期目標回報，仍然會是重要考量。

雖說公司業務穩定及具持續性，但任何生意都有風險，而公司面對最大風險是美國宏觀經濟衰退。另外，公司間中亦會進行較大規模收購，自然需面對目標收購公司的潛在風險。還有，對一間每股盈利每年增長十多百分點的公司來說，近40倍市盈率的估值包含了公司嘅規模效應及品牌溢價，市場評價轉調會帶來估值調整風險。

簡志健，持證監會持牌人士，博立聯合創辦人/中原資產管理投資總監

一間股價長升長有的制服公司

DefaultIcon

大行和一些財經分析員常抱著「語不驚人誓不休」的態度，預測樓市跌6成、跌7成，我對此有所保留。客觀來說現時市場從高價回落近3成，考慮到目前經濟狀況仍然堪憂，而且過去三年發展商一手銷售的情況不理想，屯積單位並不少，我個人認為今年的樓市升跌仍然非常難預測，我只希望列出一些我認為正在角力的因素，至於結果將會如何，則交由大家判斷。

 

1. 積聚的購買力 vs 屯積的一手貨
從過往10年統計，全港住宅物業的成交量每年約為74000宗。其中一手成交佔大約15000-20000宗。而過去兩年，住宅成交總量只有118,000宗。因此可得出其實市場上確有不少潛在買家因經濟狀況而暫時沒有置業，畢竟買樓換樓除了有投資因素也有部份是「剛需」例如結婚、生仔、家庭結構改變等等。另一方面，發展商過往每年一市成交約有15000-18000宗，而2022及2023兩年均只僅僅過10000宗，即代表發展商積聚的單位也比以往多10000多伙，可見供應和需求會同時角力。順帶一提，很多人以訛傳訛常說未來新供應有10萬伙，發展商死得啦。其實所謂10萬伙筆者早前也寫過一篇長文解構其計算方法問題，若以此為判斷實質供應，可能會與事實相反甚遠。

 

2. 移民 vs 港漂
過去兩年的移民人口有30多萬，未來可能仍有十多萬。而多數移民人士都會賣出單位或至少再無在港居住需要，因此樓盤需求會減少。但同時政府目前積極推行各種高才通、專才計劃招攬國內人才來港發展，這兩者會如何角力，也是非常值得留意的因素。有些人常說，香港現時已失去過往的吸引力，很多國內人都不像以前一樣盼望來港。我認為這說法大致正確，但我想補充一點是香港相比國內只是一個彈丸之地，其實我們不需要有「很多人」想來港發展，我們甚至不需要1%的人來港，即使只有0.1%來港發展，已經是130萬人，遠遠超過外流人口。

 

3. 減息 vs 租金
另一個體現到「剛需」的指標無疑是租金。如果有人跟你說現時香港移民人數急增，住屋需求已經很低，請拜托你讓他比較一下這兩年租金的升幅，你就會知道實際狀況如何。因為樓價可能有泡沫，但租金是不會有泡沫的，是確確實實的剛需，不太可能有人瘋狂到租幾個單位自住吧?2024美國減息可謂事在必行，商榷點只在減息的幅度和速度。雖然過去兩年租金升幅不少，但因為息口高企，目前來說租樓仍然比供樓划算。但隨著年中開始美國減息，假如租金維持不變或相約，供樓成本將會減輕不少。

以1000萬樓為例，現時租金大約為23000-26000左右。假若今年減息半厘，買1000萬樓承造8成按揭，供款為36,000，首期利息支出為23,000，大致和租金相約。那麼到時候租客們可能又會有其他想法。若然息口回落不止半厘而是更多的話，這個天秤會傾斜得更多，值得留意。

樓價跌7成，你準備好執貨未?【地產仔禾記】

homeloggglogo

樂悠居中層15室｜實用兩房食肆林立 筍價罕有超值抵住

458edgfht

你好！

 

我想請教一下：

我同老公現年29同28歲 家庭收入11萬

我個人現持有一物業 市值1050萬 剩餘按揭少於400萬

 

想問現在應該換3房 （如名城約1350萬）

定

用老公名買多一間2房自住 （1000萬內），並將現有物業放租

——

碌卡消費，收到月結單發覺使大左？WeLend A.I. 私人貸款比信用卡更低息。
WeLend A.I大額貸款新組合，一筆過申請大額現金流旁身，再享彈性延長還款期，年利率低至1.88%！立即申請，盡賺高達$12,000現金獎！
即刻申請：https://bit.ly/3CTgJN9 。即日過數！
忠告：借錢梗要還，咪俾錢中介；查詢及投訴熱線：3590 6396；放債人牌照號碼：0970 / 2021

 

ANSWER:

名城真係幾唏噓，1000萬以下買到三房總覺得是無耐之前，而家確要1300萬。至於29歲打工仔，諗sir建議你延遲享受，不要將賣樓所賺當首期換三房，保持原居再加按拎黎買兩房等於搵多個租客幫你供樓，加快儲蓄進度仲好!

 

29歲仔買到千萬樓，聽落好似有點離地。咁40歲出書教你點做80後千萬富翁又係咪遲? 我地睇睇究竟月供股票年年等佢15%累一千萬易D? 定買樓賺1000萬容易? 讀者現時按揭欠少於400萬，間樓市值1000萬，其實只要佢2013年之前買左荃灣西既三房、或者九龍區一些當時500萬有找既兩房，今日間樓值千萬絕不為奇。

 

當然股票升一倍例子比比皆是，但因股票太易賣出好少有人貨到尾贏大錢，加上股票本身因營商環境改變快速，例如你有款新既鞋好好賣，好快比人抄左，令股價跌很快。

 

相反買樓是「霸死地」，抄唔到亦唔可以靠供配股去攤薄你間樓，所以買樓易贏，但入場門檻高一點。買股易入場，不過賺到返出黎既人少，頂多都係2021年頭個陣有班人突然熱衷炒股吧。

 

將1050萬既樓用稍低於市價轉比另一半(老公)，仲可以按爆八成拎到間樓大部份錢出黎，即1000萬*80%-3xx 萬 = 套出4xx萬。有了呢4百幾萬，用其中一半(即200萬)比太太買間九龍兩房，7到尾至800餘萬九龍區兩房唔少選擇中等質素，唔憂租的。如唔怕舊買淘大都可，只要自己仲有錢收租間樓舊點租務回報更高其實仲正，當然唔係淘大個個盤都筍。亦有些人諗太多，買樓收租攪到好似自己住咁，要睇間屋靚唔靚仲要睇埋窗外風水，試問租萬幾蚊樓既打工仔返到屋企已被搾乾，佢有幾何望出街呀? 只要唔太低層免車聲已無限感激，所以大家莫將投資因素同自住因素兩者攪亂。

 



–

留意按爆的方法提供之4xx萬資金只用了一半，淨低二百幾萬當然收息，勿將加按樓的資金用作買股，絕大部份人行「樓轉股」呢條路都唔掂。把資產分佈在債同樓，缺點是唔會倍升突然發達，不過有覺好訓同見到財富逐漸有序增長，人自然心情好運就會黎。留意上圖的ETN派息17%，月月派息，一年間已跌至低位調整了近9%，價格吸引及見底橫行了段時間，其17.02%息率表示買完4年淨係收息都接近將你筆錢Double。即係今日2021年40萬，2029年約160萬，2037年640萬，咁都係用十幾年累成近千萬，這是靠買樓外另一個方法。

–

至於利用保險融資都是可以的，上星期提及了7年DOUBLE保險，其實無DOUBLE，詳細些是6年升近60%，7年升近90%，8年升近147%。參與收息101課程有授呢份保險及ETN，103舊生請找助教查詢。回報計法見下圖:

 



16萬美金保單客戶因融資只用出25212美金(留意街外絕大部份單銀行睇完都唔想融資比你，回報太核x)，而呢份可以的，融資成本係一個月HIBOR只0.08%之下很低更有折扣提供，客戶於第七年取回US$209703，還返借入$129438比銀行及7年共付利息，淨賺22365美金，上升近90%。20萬港幣可入場即25212美金左右。限時開催的，亦唔計TU影響你之後買樓，老師同指定分行拎左些少額去做，借哂就無。

 

那當投入40萬於2021年，2028年有接近80萬，2035年有近160萬，2042年有320萬。你幾何係香港買保險同你講供廿年會賺8倍? 香港大部份保險供完廿年都係拎返個本，時間就保險公司賺哂。

 

我地唔係話炒股賺1000萬唔得，不過發生機率低。本文提出了除炒股外，用ETN同保險其實都可以! 買樓賺1000當然讀者證明係掂架啦~

29歲仔買到千萬樓，究竟有冇天理!? By 諗Sir

呢個系列實在好受歡迎，原因不明。唔知係because of我啲求其相，定in spite of

TLDR：邊爐經濟學。五舊水銅鑼灣不限時任食邊爐，六點打到十一點，世界難撈。同場加映我樓下茶餐廳嘅象人精神

1. 你話「個撚個都係商場專家食家？」，扯，個撚柒個都係金融專家啦。邊個網友唔係至撚醒料事如神？係唔知點解仙都唔仙之嘛

2. 咁但，講返，星期二，某知名財經KOL叫我去打邊爐。有人想識我咁話（呢句嘢令我有啲擔心）。名人叫到，我仆到去。結果一行八人，十分好。

3. 相都唔係好得閒影，專心食嘢傾計

4. 咁但，講返生意呢。任食邊爐。好唔好食？OK啦。

5. 但偉大在乜？不限時任食。真正嘅無限Q，就真係…….後生仔嘅天堂。

6. 結果？就六點幾食到十一點幾。五個鐘頭任食，都幾係嘢。有埋間房添。

7. 價錢？「我都冇睇」。但唔平的，最平好似四舊幾水，最貴好似上七舊。「七舊水食任食邊爐？」—扯，咁你七舊水食自助餐咪又係咁。

8. 考慮到七舊水畀間房你坐，仲要六點打到十一點，仲要任食，就好合理嘅。當然我地呢老嘢就食唔到好多，如果後生仔食得多就「回本」

9. 然後諗下，成件事都幾合理。金朝陽嘅樓上舖，好似十樓定乜。而家都好少會有第二輪客。

10. 租就都係畀咁多，人工就都係咁多。呢啲最大成本。又唔會早啲趕你走就可以做多幾枱客。咁不如索性豪畀你，畀你坐到尾，但收你貴啲。變相就等於一輪做兩輪客之嘛。況且，肯定你唔會食到兩輪客咁多嘢啦。

11. 當然廢老又可以話經濟差。DLLM七舊水打餐邊爐都經濟差，香港人真係幾撚有錢！你在第度七舊水餐飯好大件事。香港就「經濟差」

12. 不過，條街夜晚就真係明顯少咗人嘅。原因就好多人解過，但肯定唔係「經濟差」—DLLM，望下對面海香港人飛機打到出馬六甲嘅新加坡，乜撚銀行乜撚遊客香港人中國人咖喱人鬼佬都去晒，舊年GDP增長，1%多啲。我留名又睇啲專家話「GDP唔代表經濟」—咁乜先代表？任鳩佢講

13. 但同時間亦要講，有時都雞先蛋先。我見啲友話「冇生意餐廳咪唔開」，而我屌咗好多次，你唔開我又點幫襯？咁雞先蛋先。

14. 但有實驗啦，我樓下某茶餐廳，之前都係九點定九點幾Last Order，而家玩到十點幾Last Order，十一點先收皮

15. 多唔多人？好撚多人喎。說好了的冇客。根本你開啲人先有得嚟。然後開咗，咪真係見到有人嚟囉。

16. 講到尾，其中一個大原因都係：人工。租就都係咁多，但人工好多斷鐘計。更大鑊嘅係：你估你肯畀多兩個鐘錢，人地就同你做多兩個鐘？DLLM 茶仔水吧都同你講work life 巴撚呀！（＊）

17. 事實係，間茶仔啲服務態度，都幾惡劣（嘢食是OK的）。特別係廚房，仆街，隔住個出餐位都聽到佢地啲怒氣，炒蝦拆蟹，粗口連天，屌客屌老細屌香港屌大陸屌美國。完全「我是憤怒」

18. 但吹咩？而家打工仔惡過老細惡過客。當然佢係知道「炒鳩咗我丫，炒鳩我老細你自己落場炒牛河」。知道自己價值，當然得戚，好合理。衰得過啲客嚟食呀。有才華，係應該串啲嘅。「唔撚啱你自己入去炒丫？」（對，任何批評我啲文垃圾嘅人，我都會叫佢「你自己寫一篇」）（＊＊）

19. 至於我嘛，馬蘭頭遠庖廚，就盡量唔好坐嗰邊位。費事聽到啲廚房佬係咁屌客。「我估在日本人地象人精神真係唔會咁」（＊＊＊），就算會，都係講日文，out of 西out of mind（＊＊＊＊）

20. 但講到尾，身體很誠實啦。我係咁多不滿嘅，就唔去食啦。雖然以上行為是唔好的。但，我還是幫襯，還是好慶幸佢開得夜。

21. 因為有啲人係夜食飯夜收工的，例如埃汾太。之前間問嘢九點Last order，我真係一個星期都未必同佢食到一次晚飯（呼）。而家就好好多了。

22. 廚房佬狂妄屌客屌老細嘅（呢方面好一視同仁！），有得佢囉。都係嗰句，坐遠啲，聽唔到。錢鍾書話頭，食隻煎雙蛋（？）就算啦，唔使睇隻雞咩樣嘅

（＊）呢度又嚟文化偏見。如果係個靚仔西廚講work life 巴撚你覺得好合理，Barista（講英文型啲）你又覺得好合理。但沖奶茶都work life巴撚你就O嘴。難道Barista就象人精神，沖奶茶就唔匠人精神？你啲網友個撚柒個返公司呃飯食廿年，就話「廿年經驗」。埃汾寫文四十年，考試拎嚟A，搵埋食，紙媒專欄都近一千篇，Patreon又過千篇，有質有量，就唔撚專業？但日日咪又畀你啲網友屌。你唔去屌人地沖咗廿年奶茶唔識沖？話說回頭，你返咗廿年工廿年經驗又點？香港大把廢老四五十年屌西含撚經驗添呀，唔見個個出嚟講talk？

（＊＊）然後又係永恒嘅：「我使唔使好波過美斯先可以批評佢」嘅終極哲學問題。聽落好簡單，其實唔係。睇下幾時我得閒到寫篇四千字文解。

（＊＊＊）屌過多次啦，當年D2嗰間日本嘢，貴夾唔好食就正常。但佢老母個廚係咁撚同個客吹水講晒粗口—呢個都唔係問題。但佢唔戴口罩喎（疫前情嘅事）！但佢一路整緊嘢食喎！我個人嘅包容度好高，但呢啲真係不撚能接受。當然有人又可以屌（啲人真係乜都要拗）你只係用一餐飯就judge人地。DLLM啦，大撚把人咪又係睇我幾篇文扮好了解我。你一定要由我第一篇文睇起呀

（＊＊＊＊）正經，呢個都係個好重要嘅課題。話說我啲東京港人讀者，十個有九個都睇唔慣睇唔順眼啲日本人。但我地去日本就十分歡喜。你話因為係遊客，固然係。你話因為佢地有啲打日本人工，都係　—　但我一樣見到有啲長居日本嘅香港人都好爽。知唔知關鍵在乜？「就係你識唔識日文」。識字就係痛苦嘅開始。一方面你可以話你唔識日文就永遠係「外人」，「融入唔到」（但，融嚟做乜？況且，你識日文就融入到？）。但另一方面，啲讀者都回想返：開頭在日本日文唔多好時，就最開心！因為你聽唔明啲人講乜，唔知報紙電視講乜，就好開心。到你識字，「就好難唔吹脹」—　呢個情況，同我在台灣一樣！你聽得明佢地講乜，睇到電視報紙網上講乜，「就好難唔吹脹」。所以真係的，聽唔明最開心，世事嘅嘢，太清楚就唔開心了。

留港消費  By Ivan Li 李聲揚

忽然成名嘅嘢。幾廿歲人，唔好咁多性幻想啦．咪講笑，一路睇，我就諗起豬肉威威，似到十足十。忽然成名，眾人集郵，有簽名會，仲有廣告拍，但又忽然消失。而佢其實乜都冇做
1. 我非常鍾意呢套戲，但可能有私心。一來我而家嘅工作，同網上文化好有關係。二來我都46歲，真係「中年」。眾多中年男性KOL，記得去睇呢套戲。
2. 仲有一個原因，尼古拉斯基治，係我早年好鍾意嘅演員。但本文先講套戲，最尾先講佢
TLDR：名成就就，人人想擁有。Rudolph the Red Nosed Reindeer，世態炎涼。酸臭知識份子，幾廿歲人唔好咁多性幻想。Cancel culture嘅嘢。但幾廿歲人，真係唔好咁多性幻想！中年男性KOL，共勉之
3. 基治一開頭已經出場，幾乎認唔到係佢，但一開聲就認得。呢個脫髮大叔造型，實在非常好。唔係嗰啲「扮老」但依然好有型咁嘅款。你絶對唔覺得佢外表有任何吸引力，咁先好。
4. 劇情，你睇官方介紹都知。呢位平凡大叔，忽然出現在眾人夢境中，成為網絡紅人，名成利就。但之後情況急轉直下，佢在人地夢境，變咗變態佬殺人狂，於是又成為過街老鼠
5. 一條咁嘅大橋，劇透晒都得，但你會點拍？幾時都話，originality is overrated，故事設定根本冇乜特別，唔使天才都諗到，亦唔使有科幻頭腦或科學知識，但拍出嚟係乜，點去推進，先見到功力。
6. 導演兼任編劇，名氣唔大，八十後挪威男人，呢套第一套英語片，之前拍套挪威片《病上癮》（我冇睇過），就係拍網絡文化，呃like。今次呢套，亦都有類似嘅主題。
7. 套戲嘅主題有兩個（或者係同一個）：就係網絡年代，人人可以成名，名氣是把雙刃劍，水能載舟又能覆舟，捧得到你上去就拉得到你落嚟，但名氣嘅引誘實在太大了。第二主題，就係講近年嘅cancel culture．
＝＝＝＝＝＝＝＝
8. 睇返主角人設，編導都係個心地好嘅人。基治嘅角色，雖然少少Grumpy，但整體算係個好人，唔係黑人憎貓屎先生，對人整體算nice，對老婆對仔女對同事學生路人朋友都唔算差，冇乜特別好大嘅嘢要挑剔　—就係你和我。
9. 至於佢嘅生活，雖然話係「失意大叔」，但far from 好落泊。教大學喎（雖然係local 雞校），住嘅地方都OK，成套戲冇講佢要為錢煩惱，精神生活都OK，同老婆睇話劇，幾咁中產。老婆同女固然唔係好理佢，但唔係太差啦。好似我篇2023文咁講，可以更差。
10. 呢點係重要嘅，因為呢個係一個「值得救贖」嘅人，本質不壞。
11. 佢最大問題係乜？同好多人一樣，唔知足。志大才疏，覺得自己「唔應該」只係咁。就係嗰種知識份子嘅虛偽同酸臭，總係覺得自己大才少用懷才不遇，其他人唔識貨。
12. 早段嘅劇情已交代呢啲嘢，佢成日又話寫書，但一路都寫唔出。又覺得人地抄佢啲嘢，冇畀credits 佢，「個idea我諗先嘅！冇我邊有你！教識徒弟冇師傅呀！」—舊同事（？）都照直講：你有idea同你真係做到啲嘢，係唔同嘅。就係上面講嘅orientability is overrated，唔好再一日到黑話人抄你啲嘢了。「我夠可以話大把人抄我咁用number 分段寫文啦」（＊）
13. 人地講一句：「唔係個個都出到paper嘅，你在間雞校教，都幾好架啦」—就刺中佢要害啦。佢覺得自己堂堂PhD，搞到搞啲咁嘅蕃薯學生　—　後來佢同個女間學校嘅人嘈，一樣都係咁。「介紹返，本人係PhD，你邊位？BA？MA？」．嗰種高人一等，寫在面上。
14. 但呢啲真係唔係大奸大惡呀，我同你都係咁。所以呢個人，咪會受名利所引誘而迷失。呢個推進好好。
15. 及後，就係佢忽然變咗紅人啦！點解忽然間在人人夢中出現？冇講。後來點解變咗惡夢？點解又消失？都冇解。我覺得聰明嘅，夾硬解反而牽強。況且，根本亦呼應返編導想講嗰個「忽然爆紅，忽然過街老鼠」嘅文化。無啦啦出現，無啦啦玩完。我諗起乜？豬肉威威！
16. 忽然變紅，梗係好啦。我寫過，但凡我識到啲新朋友（特別係青春少艾），聽到佢地講「我有睇你啲文」，我就十分高興。你試過嘅，你都會明白。
17. 呢個年代，（正面地）出名更加好，因為仲可以帶到好多嘢。你睇戲入面，基治爆紅後，成個精神面貌都唔同咗（呢度佢就演得好，例如我用嘅呢張相），依然係核突大叔，但精神爽利，充滿信心，講句嘢都大聲啲。之前小貓三四隻嘅課堂，變咗爆滿，個個爭住問佢嘢。佢親生女都當佢係英雄。然後朋友以前啲飯局都唔叫佢，而家都叫返佢。老婆又對佢好啲，連老婆事業都幫到呀！仲有得同大牌子合作，奧巴馬添呀。成名幾咁好！
18. 以上嘅東西，大家做KOL（或網紅或自媒體whatever），一定經歷過。感覺良好呀。最正係個同事（定校長？）串呀基治，平時就講科學精神，刁而家爆紅咗又相信「冥冥中有主宰」，自己有特別之處，天選之人。完全輸打贏要，自欺欺人。
19. 不過當然了，去到呢啲位，就梗係ego發作。「喂我想賣我本書，唔係賣汽水」，「我唔想第時啲人只係記得我呢啲膠嘢」—明嘅，好似我咁，01年代啲朋友最記得就係我寫「捷克AV」嗰篇文。正如而家你地就記得我貼啲廟街清湯腩或東涌海鮮丼咁。「我認真分析烏拉圭自殺問題，完全冇人理」—　問題係，人地係睇中你夢中爆紅，唔係想睇你啲生物書嘛。咁呢種「你鍾意做嘅嘢，同觀眾想你做嘅嘢，好大落差」，相信所有content creator都有共鳴
20. 當然最重要係乜呀？後生女投懷送抱。呢個真係一絶。後生女話發夢夢到同你做愛喎，不得了，不撚得了呀。然後大叔同後生女飲嘢，依然係講佢上堂講嗰啲斑馬理論，不停重覆，真係中佬特色（我都係！）。
21. 不過估唔到導演絶到安排後生女真係帶佢返屋企想擒佢！點知就胃氣脹（定放屁？），然後未入閘就射咗，真係男人最痛，導演真殘忍　—　留意呢度亦係大叔在眾中夢中由「正面」變「負面」嘅分山嶺，象徵意義好明顯！
22. 幾時都話，幾廿歲人，唔好咁多性幻想。我真係見唔少我好欣賞甚至認識嘅中佬KOL，都係衰呢啲嘢。係架，真係有後生女投懷送抱的　—　但，免費的最貴，唔好睡粉，講完。唔好貪呢啲無謂嘅ego，唔使「證明」自己有吸引力。手尾好長。無數咁多例子。

23. 打後？大叔成為大家嘅惡夢。就由人見人愛，變成過街老鼠。學生唔嚟上堂，個女又憎佢，老婆事業都受打擊，自己都「被休假」，隔離屋都唔歡迎你去食飯，個女嘅演出都唔畀佢去睇，架車又畀人噴嘢。你坐定定在餐廳都有人要你走，甚至主動搞你。
24. 主角心諗，「我冇做過乜嘢喎」　—　不過公平地講，之前名成利就，你咪又係「冇做過乜嘢」。唔可以話佢貪嗰啲名氣最後就有報應，相信佢最初唔去搞嗰啲嘢後果都一樣。反而就係話你知，世事無常，群眾膚撚淺虛撚偽。
25. 當然呢度，亦都攻擊埋近年大行其道嘅cancel culture—啲學生好不安，就又要停佢職，仲要整啲乜鬼治療　—　我好鍾意基治講嗰句：「而家啲友，乜撚都話PTSD，考試唔合格又trauma 　—好心長大啦好冇？」有一定道理。一方面近年丈家都關心精神健康，但另一方面你亦真係睇到，乜都講到創傷，「病」化所有嘢。個平衡在邊？值得諗下
26. 而家乜春都係治療。有藝術治療，有園藝治療，有舞蹈治療—fine，改個名啫。最撚好笑外國仲興「頌缽治療」，聞香都有治療，考張cert就好似好專業 – 唔好意思，我覺得好撚搞笑。埃汾啲文都係文字治療，專醫智障。你好專業？你讀嗰啲戇鳩敲木魚course，上幾多個鐘咁大把？仲要一定pass．你睇下我歷年寫咗幾多隻字？畀人屌咗幾多鑊？誰更專業？
27. 我亦慎防好多人，以為cancel culture係「美國左膠嘢」—肯定唔係。右翼左翼都玩呢啲，只係某段時間某班人大聲啲。而更肯定嘅係，DLLM啦，香港一樣cancel culture，乜撚都政治呀。你啲網友最撚鍾意公審人架啦，你睇柳俊江單嘢？
28. 不過套戲嘅結局，我覺得幾差。編導真係比較好心嘅人，又唔想整到玩出火悲劇收場，但又不能歡樂今宵BBQ大團圓結局大家重新接納佢咁和稀泥，於是用咗而家咁嘅一個……奇奇怪怪嘅結尾。
29. 你畀我寫？好簡單，就係王爾德嘅《快樂王子》。眾人踩到佢一棟到冇，彷佛自己最撚醒。在這夜～這猛火像燎原～大眾議論到這三位少年～就似在怨～用處沒有一點。在這夜～這猛火像燎原～大眾議論到這三位少年～亂說亂說～愈說祗有愈遠
30. 我嘅cynic，好受王爾德影響。細個睇唔明，老師亦唔會講，但大個就知《快樂王子》係佢嘅自白。原本群眾咪覺得你一身金光美麗，但到你唔再靚（講現實中王爾德因為同性戀而入罪），咪人人覺得你核撚突
31. 戲講完，後記寫尼古拉斯基治

32. 上面講到當年基治係我好鍾意嘅演員，你諗下時序上好合理。佢95年憑Leaving Las Vegas（＊＊）拎咗奧斯卡最佳男主角，千禧年前後最紅，拍咗好多大片，正係我大學年代，開始有錢有時間有自由，睇好多戲嘅年代。
33. 之後呢？好多人都知，佢成為爛片王。都有朋友聽到佢個名就怕，所以錯過咗呢套戲，上網睇返。
34. 2011年，可謂基治「爛片生涯」嘅顛峰，佢一年三套戲提名金草苺，好似係個紀錄。其中最爛嗰套叫Trespass不忠之劫，美國收兩萬美金（你冇睇錯）票房。外國收得好啲，仲有老本食，仲有啲鐵粉入場睇，例如我，但當然套戲都係蝕到仆街。另外兩套？一套係Drive Angry，冇睇。另一套Season of the Witch，有睇，堅唔掂。
35. 因乜搞到拍咁多爛片？其中一個原因係財政問題，爭人錢。明明之前超高片酬（聽聞一年4000萬美金），可見佢理財極有問題。亂咁買嘢啦（買過恐龍骨！），投資失利啦，逃稅啦　—　小朋友真係留意，亂咁投資好大件事，爭稅局錢更大件事。
36. 仲有，佢啲感情史都係比較……精彩。里安納度狄卡比奧同佢就一齊爭恐龍骨，大家都係鍾意後生女（誰不愛？），但人地就識玩，永遠唔結婚。基治就結五次婚離四次，有個結幾日就離婚。結婚外仲要啤幾件，呢啲開支都幾係嘢。呀仲有，雖然佢同狄卡比奧都係鍾意後生女，但口味就唔同，眾所周知狄卡比奧鍾意金髮白人長腿大胸model，但基治就口味廣，而近幾任都係亞洲女，甚至receptionist 都食都娶埋。更不用講佢都唔少官司，又家暴又欠稅（再講一次，欠稅是很大罪的）
37. 鹹濕無罪，鍾意後生女都無罪，但由呢啲事你大約睇到，當年佢個人嘅私生活，真係相當多問題。
38. 特登將佢本人留到最尾先講，希望大家鍾意呢個舖排。
（＊）我的確敢講，近乎我係最早咁寫文，唔少人都直接或間接受我影響。亦都好多人鬧，但話撚知你。你見到，真係好有用的，特別係你地回文refer嗰時。根本就係利人利己，但一樣有人要諗，正式四方西。
（＊＊）呢個故事應冇講過。話說港大舍堂O Camp時要去「做visit」，同啲大仙傾下計。實務上就係啲禽獸大仙見到仔就玩下佢兇下佢，見到女就睇辦pre IPO。但後話。其中一個我好記得嘅女仔，是「超仙」，因為呢個女仔讀PCLL，應該大我三四年起碼。但佢同我傾得好投契，佢好欣賞我，我甚至仲記得佢叫乜名。點解？因為唔知講起乜，就講起Leaving Las Vegas套戲，講愛情講人生，時為1997年．科華同我講，冇一個新鮮人同佢傾到呢啲，甚至差不多年紀嘅男仔佢都覺得好幼稚。《那些年》是真的，女仔真係一般成熟過同年紀嘅男仔，所以普遍情侶男大過女，唔止係因為錢。不過唔使問，後來係冇任何事發生嘅—咁大個圈，我無非想講：潘驢鄧小閒，我係好識同女仔傾計嘅，甚至當年我都未知。因為我細細個就對住成班女人，我個妹，我老母，仲有一堆阿姨同表姐。我成長身邊係冇乜陽氣嘅。亦因為咁，「馬蘭頭」之前，個Page叫做「華麗後台」—Daniel Day-Lewis套戲，亦係講「成棚女人」嘅故事。但因為個Page名引起太多誤會，所以改咗名。