23/1 更新：沙田最平實呎4XX尺32X萬入場，四正兩房十分鐘內到港鐵站
駿景園頂層覆式開揚山景落價1500萬
白石角一房最平528萬見票可傾4XX萬

有興趣知多啲，記得聯絡我們「預約睇樓」！

火炭白石角經紀手記

DefaultIcon

銀湖．天峰 8座 高層 D室

roseee

天宇海 7A座 低層 C室

銀湖天峰 7座 低層 D室

新港城 1期 A座 低層 1室

愉景新城 1期 2座 高層 A室

458edgfht

全．城匯 5座 中層 D室

蔚景花園 高層 B室

樂悠居 中層 15室

海之戀 1期 10座 中層 B室

朗逸峰1座中層C室

Best thing I read today唔想睇相嘅，呢度係文字精華。或者你跳落去下半部我嘅點評都得．極多粗口（肯定好多人因為咁而睇）
1. 祖父曾是本港一所大學的財經教授，祖母是同校的高級行政人員
2. 到他3歲了，兒子和媳婦要替他報讀nursery school，爺爺和孫仔正玩得不亦樂乎，高調反對讓孫仔入nursery ，認為無用，列舉好多條理由，認為抹殺小孩童真；又謂自己是大學教授，遍讀幼兒教育著作，要教就由他教
3. 他更經常投訴nursery老師不懂兒童心理學，拿一些心理學家的著作和他們辯論。
4. 孫子讀小學二年級了，祖父又為數學問題和數學教師牽引出一場大辯論，說教師的教法愚蠢，教不出數學尖子
5. 曾經有一天，校務處職員聽過他當面揶揄校長說：「我是大學教授，你只是一個小學校長仔而已，識得乜？」
6. 祖父說：「我愛我的孫有罪？我教我的孫有罪？」兒子說：「兩樣都無罪，都是愛，但愛不得其法。請你記住，他是我的兒子，只是你的孫子，隔了一層，父子比爺孫親。還有，爸爸，你年紀大，out了。」一聲out了氣得祖父爆肺，父子從此決裂，不相往來。
＝＝＝＝＝＝＝＝＝＝
7. 咪講笑，我歷年不知聽過幾多次，啲家長覺得「讀唔成書先去教書」。大把覺得香港啲學校垃圾。我心諗，垃圾得過你本人？
8. 知唔知最撚正係乜　—　呢啲家長，咪就係平時或細個時講「唔應該用成績去判斷一個人」「大學唔代表乜」嘅友。所以呢啲人，咪教啲虛偽戇鳩嘅下一代出嚟囉。
9. 無論如何，「讀書唔成嘅先去教書」，甚至「做唔到醫生律師嘅先去教書」（＊）呢種觀念，根深蒂固。近廿年教師嘅地位，一落千丈。
10. 你唔信？我就親身經歷。教書年代，真係畀港女白眼，去Warwick舊生聚會都唔係好敢講自己教書，大把女仔聽到你教書就流露出半秒不屑嘅神情（＊＊）。只係半秒，但埃汾是很敏敏感的（聽講係單親小朋友特質）。
11. 正係因為行業形象低落，「所以教書嘅先成日搞一大輪要話自己點專業」。你幾撚時聽過醫生要話自己專業？C朗踢波使唔使話自己專業？（＊＊＊）。我讀書年代，啲老師使撚話自己專業？
12. 講返篇文，實在非常正點，剛剛睇尼古拉斯基治套「大叔夢中人」（Dream Scenario），佢對住個女間學校嘅老師（校長？），就係差不多一模一樣嘅對白：「介紹返，我PhD喎，你邊位？BA？」「MA」（然後基治理都費事理佢）
13. 「美中不足」係呢個阿爺只係財經教授，如果自己係教育心理學家仲正點。
14. 又，根據我理解，現實中阿爺（或阿麻）一定會出呢句必殺技：「嗰時我咪又係咁教你咁養你！咪又好地地！你而家乞食末丫？」
15. 不過認真，講到尾，都係權力之嘛。你話「阿爺嗰套過時，社會唔同咗」，刁，老豆老母嗰套點解又唔係過時？老豆老母咪又係用自身經歷自己價值觀？唔通會聽啲學生講？
16. 實情，大家知，我老豆成長年代或我成長年代，大學教育未普及，父母好多未必讀好多書。邊撚有咁多嘢講？刁你而家啲家長，就梗係多多事實啦。
17. 最仆街係乜？就係大學普及。啲家長真係以為自己係「大學生」，就巴撚閉。我幾時都話，我本人就冇受益，就算我當年香港得一間大學，我都入到。但大撚把父母，只係水鬼升城隍，低咗門檻先放咗入去之嘛。換著兩大年代？呢班友邊撚有大學讀？
18. 但而家就真係當自己嗰間又係大學，埃汾又係大學，所以「咁高咁大」。你又識踢波，美斯又識踢，點解唔係同工同酬？你又幾十年屌西經驗，你阿爺又七十年屌西經驗，幾時開班教人？
19. 解決方法嘛？好簡單。都龍年啦，唔好再搞狗年免費教育，唔使再強迫教育。老豆老母係大學生嘅，豁免，任佢地點玩。大學生父母嘛，巴撚閉嘛，識獨立思考嘛，唔係咩？（＊＊＊＊）
20. 真喎，佢地又唔係五十年前啲低下勞工階層，你慌會迫個仔去看舖，嫁個女去金山阿叔？你慌佢地會有得個仔做文盲？冇事架噃。佢地咁撚識教，咪自己教撚飽佢。有乜問題？「陳智思都係咁玩之嘛」
21. 況且，文盲又點？唔返學又點？刁啦，識人好過識字。你睇埃汾寫咁多年字一樣畀啲會考都未撚合格嘅人串中文差啦。老豆剩返三間太古城（＊），一層住一層炒一層收租，使撚識字咩。鄧兆尊啲女貪佢有PhD？（我是真心欽敬兆尊的，富二代楷模，咪撚搞咁多嘢。肯定新馬仔泉下有知老懷安慰）
22. 而亦都要講埋：「你做乜唔去投訴強迫教育係侵犯人權？」。唔好笑呀，真係有家長咁諗。我做金融嘅舊同事真係同我講，香港啲學校廢，做乜我個仔要返學？
23. 所以都係嗰句，啲友覺得自己咁撚巴閉嘅，咪自己教囉。你話害咗小朋友？扯，大撚把都係咁架啦，啲廢老上網日日發表謬論就唔害咗小朋友？上幾廿樣興趣班就唔害咗小朋友（「我地好有節制嘅」「最緊要佢有興趣」（＊＊＊＊＊＊））。多一樣唔多啦。
24. 況且，咪話佢地總唔會有得個仔變文盲囉（咁多層太古城咩，聽講香港好快爆煲）。你憑乜覺得，教書啲教院學生，叻過大學生嘅老豆老母？　—　肯定啲老豆老母唔會咁諗
（＊）咪講笑，問下英倫狀棍。但計香港，我估教書嘅收入中位數，可能高過做律師　—　「但兩者夾埋甚至加埋我，在醫生面前都係收檔」
（＊＊）不過，近年世界難撈，相反教書嘅年年加人工。正如（＊）所講，分分鐘高過律師。所以照計在溝女方面，男教師嘅地位大幅提升。Fuck that 港女唔重視錢啦。我知，重視安全感嘛。有ORSO咪有安全感。安全到唔使用安全套都有安全感。
（＊＊＊）我到而家都唔知在香港人心中，乜嘢叫「專業」。有人話要考牌就專業，特別空姐最鍾意講。仆街啦，看更都要考牌呀，你睇空姐覺得佢地專唔專業？我本人就CFA，陸東畢菲特就應該唔係，咁佢地專唔專業？個撚個信啲羅庚都未撚識睇嘅風水師都未信你CFA啦，專業my ass．演員又專唔專業？記者專唔專業？炒芥蘭專唔專業？總之，個個都話自己專業。呢啲詞真係假大空，我見大中華最鍾意用，鬼佬好似少啲。我話你知，香港講「專業」「唔專業」，就係讚自己掂，屌人地廢，我本人鍾意就專業，同個「職業」本身係無關嘅。你話「專門知識」？即係乜？啲飛機膠識背晒啲型號航線，你睇空姐覺得佢專唔專業？寫作專唔專業？阿豬阿狗都識寫啦，又唔使考牌。美斯又踢波，你又踢波之嘛。江振誠又煎蛋，我又煎蛋咁囉。到你自己炒芥蘭，咪就係炒芥蘭都好多學問，最好要考牌。唔好笑，而家啲「乜乜治療」咪行呢條路。埃汾coin嘅「PhD in 吹蕭」，真係不是夢。我估吹蕭嘅學問多過炒芥蘭啩？
（＊＊＊＊）我可以99%肯定，你問條友「讀大學為乜」，佢答你「培養獨立思考」嘅　—　呢條友就係冇獨立思考的。而我真係唔覺得港大當年有點培養我獨立思考，係咪有得回水？又，港大教曉我嘅，就係「你唔撚顧掂你自己，呢個世界就冇人理你架啦」，真心一生受用，讀過港大嘅先明嗰種「放養」嘅港大精神。希望呢句嘢可以印上校訓。文言文嘅寫法就係「人必自侮然後侯姆斯」。所以港大教曉我嘅，應該係「獨立」「思考」—刁，原來中間隔咗一格。
（＊＊＊＊＊）而家可能日本樓好啲。一間關東一間關西一間九州。
（＊＊＊＊＊＊）你估貴子弟敢唔敢同你講「我嘅興趣就係日日打機」「我嘅興趣就係食好多軟雪糕」「我嘅興趣就係日日睇埃汾叔叔啲文恥笑爸爸」—　就算佢敢，你會唔畀佢照做？所以，幾時都係自己意志強加落去架啦。我覺得冇問題架，但唔好咁虛偽啦。

［IVAN LI 李聲揚］本人最專家

樓盤